നന്മമരത്തിന്റെ തനിനിറം പുറത്ത് സേവന പ്രവർത്തനങ്ങൾ മറയാക്കി വൻ സാമ്പത്തിക തട്ടിപ്പുകൾ നടത്തി ഫിറോസ് കുന്നുംപറമ്പിൽ അന്വേഷിക്കാനെത്തിയ ചാനൽ സംഘത്തെ ഗുണ്ടകൾ കയ്യേറ്റം ചെയ്തു

മലപ്പുറം : സേവന പ്രവർത്തനങ്ങളുടെ മറവിൽ ഫിറോസ് കുന്നുംപറമ്പിൽ വൻ സാമ്പത്തിക തട്ടിപ്പുകൾ നടത്തുന്നതായി പരാതി. ബിനാമി ഇടപാടിലാണ് ഇത്തരം തട്ടിപ്പ് എന്നാണ് ആക്ഷേപം. സംഭവത്തെക്കുറിച്ച് അന്വേഷിക്കാനെത്തിയ ജനം ടിവി ചാനൽ സംഘത്തെ ഫിറോസ് കുന്നുംപറമ്പിലിന്റെ ഗുണ്ടകൾ കയ്യേറ്റം ചെയ്തു.

മഞ്ചേരിയിലെ ആലുക്കലിൽ ചിലർക്ക് ഫിറോസ് കുന്നുംപറമ്പിൽ വീടുകൾ നിർമ്മിച്ച് നൽകിയിരുന്നു. ഇതിനായി ഫണ്ട് സ്വരൂപിച്ച് ബിനാമി ഇടപാടുകൾ നടത്തുന്നുവെന്നാണ് ഉയരുന്ന ആക്ഷേപം. ഇതിന്റെ സത്യാവസ്ഥ അറിയാനായാണ് ചാനൽ സംഘം ആലുക്കലിലേക്ക് പോയത്. എന്നാൽ പ്രദേശത്ത് എത്തിയ സംഘത്തെ ഗുണ്ടകൾ തടയുകയായിരുന്നു. ഇത്തരത്തിൽ അന്വേഷണത്തിനും മറ്റുമായി ഇവിടേക്ക് എത്തുന്നവരെ തടായാനായാണ് ഗുണ്ടകളെ ഏർപ്പാടാക്കിയിരിക്കുന്നത്.

kerala

SHARE THIS ARTICLE