മിനിക്കഥ -
തട്ടിപ്പ് -
✍️ഉണ്ണി വാരിയത്ത്
"നാളെ അക്ഷയതൃതീയയാണ്" ഭാര്യ ഓർമ്മപ്പെടുത്തി.
"അതുകൊണ്ടെന്താ?"
ഭർത്താവ് ചോദിച്ചു.
"നാളെ സ്വർണ്ണം വാങ്ങിയാൽ ഐശ്വര്യവും ധനസമൃദ്ധിയും ഉണ്ടാകുമെന്നല്ലേ എല്ലാവരും പറയുന്നത്? "
"അത് വെറും തട്ടിപ്പാണ്. സ്വർണ്ണവ്യാപാരികളുടെ കച്ചവടബുദ്ധിയിൽ ഉരുത്തിരിഞ്ഞ ഒരു തന്ത്രം! ആ പ്രലോഭനത്തിൽ പൊതുസമൂഹം വിഡ്ഢിയാക്കപ്പെടുന്നു. അല്ലാതെ, ആ ദിവസത്തിന് സവിശേഷതയുണ്ടെന്ന് ഒരു പുരാണത്തിലോ ജ്യോതിഷഗ്രന്ഥത്തിലോ പറഞ്ഞിട്ടില്ലല്ലോ!"
ഭർത്താവിനെ തികച്ചും വിശ്വാസമുള്ള ഭാര്യ മൗനം പൂണ്ടു.
story
SHARE THIS ARTICLE