കവിത
*അരിക്കൊമ്പൻ*
കുങ്കിയെ കൂട്ടുപിടിച്ചിട്ടു
തല്ലിയും കുത്തിയും
തള്ളിയും കഷ്ടം
അരിക്കൊമ്പനെന്നുള്ള
പേരു കൊടുത്തിട്ടു കൊല്ലാക്കൊലയല്ലാതെന്ത്!!
മയക്കു വെടികൾ
തുരുതുരായുതിർത്തിട്ടു
"രക്ഷിച്ചു "വത്രേ -
യരിക്കൊമ്പനെ....!
എന്തൊരുത്സാഹമീ
കാടിന്റെ പുത്രനെ
കാടു കടത്തുവാൻ കഷ്ടം !
അമ്മ തന്നസ്ഥി -
മാടത്തിലെത്താതെ
പറ്റുമോയീ പൊന്നു കൊമ്പന് ...
സ്നേഹത്താലൊട്ടി നിന്നോരിണയെ , തള്ളാൻ കഴിയുമോ കൊമ്പന് ....
കാട്ടിൽ സ്വതന്ത്രരായ്
തൻ കാലിൽ നിൽക്കാത്ത
മക്കളെ കാണാതിരിക്കാൻ കഴിയുമോ ....!
എല്ലാ വിളികളുമെത്തുന്നു കൊമ്പനിൽ .....
പ്രകൃതിയൊരുക്കാതിരിക്കുമോ
തിരിച്ചുള്ള മാർഗങ്ങൾ ......!!!
( വി ആർ നോയൽ രാജ് )
peoms
SHARE THIS ARTICLE