ഗുരു നിത്യ ചൈതന്യ യതി ജന്മ ശതാബ്ദി ആഘോഷം സംഘടിപ്പിച്ചു 

ഗുരു നിത്യ ചൈതന്യ യതിയുടെ ജന്മ ശതാബ്ദി ആഘോഷത്തിന്റ ഭാഗമായി വൈ എം സി എ പത്തനംതിട്ട സബ് റീജിയണിന്റെ ആഭിമുഖ്യത്തിൽ ലോകസമാധാനത്തിനു വേണ്ടി ശാന്തിപർവ്വം എന്ന പേരിൽ ഗുരു നിത്യ ചൈതന്യ യതിയുടെ ജന്മ ശതാബ്ദി ആഘോഷം സംഘടിപ്പിച്ചു.പത്തനംതിട്ട ജില്ലയിലെ വകയാർ വിദ്യാനികേതൻ നാരായണ ഗുരുകുലത്തിൽ വച്ചു വൈ എം സി എ മുൻ ദേശീയ പ്രസിഡന്റ്‌ ലെബി ഫിലിപ്പ് മാത്യുവിന്റെ അധ്യക്ഷതയിൽ നടന്ന സമ്മേളനം ഡോ ജോസഫ് മാർ ബർണബാസ് സഫ്രഗൻ  മെത്രോപ്പോലീത്ത ഉദ്ഘാടനം ചെയ്തു..നാരായണ ഗുരുകുലം റെഗുലേറ്റിംഗ് സെക്രട്ടറി സ്വാമി ത്യാഗീശ്വരൻ അനുഗ്രഹ പ്രഭാഷണംനടത്തി.വൈ എം സി എ ഇന്ത്യൻ സ്റ്റുഡന്റസ് ഹോസ്റ്റൽ ലണ്ടൻ ഡയറക്ടർ പ്രൊഫ ഡോ റോയ്സ് മല്ലശ്ശേരി സമാധാന സന്ദേശം നൽകി . ജനറൽ കൺവീനർ ബിജുമോൻ കെ സാമൂവേൽ, നാരായണ ഗുരുകുലം സ്റ്റഡി സർക്കിൾ സ്റ്റേറ്റ് കോ ഓർഡിനേറ്റർ എം എസ് സുരേഷ്, ഗുരുകുല ഗൃഹസ്ഥ ശിഷ്യൻ റ്റി ആർ റെജികുമാർ എന്നിവർ സംസാരിച്ചു.