അന്താരാഷ്ട്ര ലഹരി വിരുദ്ധ പരിപാടികൾ
പറവൂർ: അന്താരാഷ്ട്ര ലഹരിവിരുദ്ധ ദിനത്തോടനുബന്ധിച്ച്
എക്സൈസ് വകുപ്പ് ലഹരി വർജ്ജന മിഷൻ "വിമുക്തി" സംഘടിപ്പിക്കുന്ന ലഹരിവിരുദ്ധ ബോധവത്ക്കരണ പരിപാടികളുടെ ഭാഗമായി ജൂൺ 26 ബുധനാഴ്ച രാവിലെ 5.30 ന് നടക്കുന്ന മിനി മരത്തോൺ എക്സൈസ് സർക്കിൾ ഇൻസ്പെക്ടർ ശ്രീരാഗ് കൃഷ്ണ ഫ്ലാഗ് ഓഫ് ചെയ്യും.
2.30 ന് ഇൻഫൻ്റ് ജീസസ് പബ്ലിക് സ്കൂളിലെ വിദ്യാർഥികൾ ഫ്ലാഷ് മോബ് അവതരിപ്പിക്കും. വൈകിട്ട് 3.30 ന് ടൗൺ ഹാളിൽ നടക്കുന്ന ലഹരി വിരുദ്ധ സന്ദേശ സാംസ്കാരിക സമ്മേളനം ചെയർപേഴ്സൺ ബീന ശശിധരൻ ഉദ്ഘാടനം ചെയ്യും. ഡെപ്യൂട്ടി എക്സൈസ് കമ്മീഷണർ ജിമ്മി ജോസഫ് അധ്യക്ഷനാകും.
സിനിമാതാരം ചന്തു സലിംകുമാർ മുഖ്യാതിഥിയാകും. ഡി അഡിക്ഷൻ കൗൺസിലറും ജില്ലാ കോഡിനേറ്ററുമായ ഷിബിൻ ഷാജി സന്ദേശം നൽകും. പറവൂർ നഗരസഭ പ്രതിപക്ഷ നേതാവ് ടി വി നിഥിൻ, വാർഡ് കൗൺസിലർ എം ജെ രാജു, വിമുക്തി മാനേജർ സി ആർ പത്മകുമാർ, കെ എസ് ഇ എസ് എ സംസ്ഥാന ട്രഷറർ എം എ കെ ഫൈസൽ, ഇൻസ്പെക്ടർ എം ടി പ്രമോദ് ( വരാപ്പുഴ), തോമസ് ദേവസി (പറവൂർ) തുടങ്ങിയവർ പങ്കെടുക്കും.
തുടർന്ന് ഡാൻസും, ഗാന വിരുന്നും അരങ്ങേറും.
kerala
SHARE THIS ARTICLE