മിനിക്കഥ -
വഴിമുടക്കി -
✍️ഉണ്ണി വാരിയത്ത്
"ഞാൻ ഒരു വഴിമുടക്കിയാണ്" അവൻ പറഞ്ഞു.
പൊതുവേ അങ്ങനെ ആരും സമ്മതിക്കില്ലല്ലോ. അവൻ അത്രയും സത്യസന്ധനോ?
"എന്റെ വഴിതന്നെയാണ് ഞാൻ മുടക്കിയത് " അവൻ വിശദീകരിച്ചു.
" എന്തിന്? " ആരോ ചോദിച്ചു.
" ആ വഴി തെറ്റാണെന്ന് സ്വയം മനസ്സിലാക്കിയപ്പോൾ അതു മുടക്കിയതാണ്, പുതുവഴി സ്വീകരിക്കാൻ. ഇനിയും മുടക്കിയേക്കാം"
അവനെ അഭിനന്ദിച്ചേ മതിയാകൂ.
story
SHARE THIS ARTICLE