കവിത
---------------------
അമ്മ വേണം
മോളൂട്ടിക്കെന്തിനും അമ്മ വേണം -
ഊട്ടാനും ഉറക്കാനും അമ്മ വേണം.
വായനയ്ക്കുമെഴുത്തിനും അമ്മ കൂടെ വേണം -
കളിക്കാനും കുളിക്കാനുമമ്മ കൂട്ടു വേണം.
ഉടുപ്പണിയിക്കണം പൊട്ടമ്മ കുത്തി കൊടുക്കണം. .
മുടി ചീകിയിട്ടതിൽ പൂക്കളും വയ്ക്കണം.
സ്കൂൾ വണ്ടിക്കരികെ കൊണ്ടുചെന്നാക്കണം..
വണ്ടി പോകുമ്പോളൊരു ടാറ്റ വേണം.
വൈകീട്ടു വരുമ്പോളമ്മ പടിക്കൽ കാത്തുനില്ക്കണം...
തൊട്ടും തലോടിയും കൊഞ്ചിച്ചീടേണം.
മോളൂട്ടിക്കെന്തിനും അമ്മ വേണം -
സങ്കടം വന്നാലമ്മേടെ പൊന്നുമ്മ വേണം...
അശോകൻ അഞ്ചത്ത്
peoms
SHARE THIS ARTICLE