*വൈബാട്ടം അഥവാ തലമുറവിടവ്*
സുനിൽരാജ്സത്യാ
കുമ്പിട്ടിരിക്കുകയാണല്ലോ, ഏവരും-
വമ്പിച്ച നഷ്ടം ഭവിച്ചുവോ, ദൈവമേ..? വാച്ചിൽ സമയം പത്ത് കഴിയുന്നു;
വാക്കുടക്കിയെൻ മൗനം കിതക്കുന്നു!
ആപ്പീസിലെത്തിയോർ വരിനീളം കൂട്ടുന്നു- അച്ചടക്കത്തിന്റെ ചങ്ങല കെട്ടിലായ്...
ആവശ്യമെന്തെന്ന് ചോദ്യമുയർത്താത്ത- ആഢ്യവർഗ്ഗം നവമാധ്യമ ലഹരിയിൽ!!
നഗരസഭയിൽ, തീവണ്ടിയാപ്പീസിൽ, വിദ്യാലയങ്ങളിൽ, വിതരണാലയങ്ങളിൽ, മിഴികളും ചിന്തയും താഴോട്ട് തൂക്കുന്നു- രാജ്യത്തിൽ, മേൽഗതിയില്ലാതെ പോകുന്നു!!
പണ്ടൊക്കെയാളുകൾ വേദപുസ്തകത്താളിൽ-
ഇടവേള തോറും മിഴിനട്ടിരുന്നൂ...
ശരിയായ വഴികളിൽ സഞ്ചാരം ചെയ്യുവാൻ-
പ്രേരകശക്തിയായ് ആത്മീയസൗരഭ്യം.
പുതിയ ''വേദാന്ത''ത്തിൻ പൊരുളറിയാത്തോരെ-
പാലിച്ചില്ലെങ്കിലും, നിന്ദിക്കാതിരിക്കുക.
''വൈബു''കൾ ഘോഷിച്ച് പുത്തൻതലമുറ-
വെറുപ്പിന്റെ ചൂളയിൽ ചാടാതിരിക്കുക.
.
peoms
SHARE THIS ARTICLE